स्वयम्भूमा प्रहरी र अपहरणकारीबीच गोली हानाहान, एक पक्राउ
केही दिनअघि बौद्धबाट नुवाकोटका मनदोर्जे तामाङ, विशाल तामाङ र आङदोङ तामाङ अपहरणमा परेका थिए ।
अपहरणकारीले ६ लाख फिरौती मागेपछि रकम बुझाउने क्रममा अपराध महाशाखाको टोलीले घेरा हालेर नियन्त्रणमा लिन खोजेको थियो । तर, अपहरणकारीले प्रहरी टोलीमाथि नै गोली चलाएको महाशाखा प्रमुख एसएसपी दिनेश अमात्यले जानकारी दिए ।
उनका अनुसार प्रहरीले घुँडाभन्दा मुनी गोली हानेर दुर्गा तामाङलाई पक्राउ परेको छ । उनको साथबाट सिक्सर पेस्तोल र तीन राउण्ड गोली बरामद गरेको छ ।
अपहरणकारी समूहमा ७ जना रहेको प्रहरीको अनुमान छ । अन्य सदस्य त्यस क्षेत्रमा लुकेको आशंकामा प्रहरी टोलीले खोजी जारी राखेको छ ।
२०७३ फागुन २१ गते १६:५० मा प्रकाशित
0 comments
Write Down Your Responses