Nepali Hot News: entertantment

Your are browsing : entertantment

अनमोल केसी सर्वाधिक महंगो नायक बनेका छन् । एक नयाँ चलचित्रको लागि आज औपचारिक संझौता गरेपछि अनमोल नेपाली कलाकारमा सबैभन्दा महंगो पारिश्रमिक लिने नायक बनेका छन् । उनले निर्माण हुन लागेको नयाँ चलचित्र ‘कृ’का लागि २० लाख पारिश्रमिक लिएका छन् ।

द सुपर काजोल फिल्मस्को प्रस्तुती र सुवास इन्टरटेन्मेन्टको निर्माणमा यो चलचित्र बन्नेछ । चलचित्रलाई सुरेन्द्र पौडेलले निर्देशन गर्दैछन् । जसले यसअगाडि चलचित्र ‘आभाष’ निर्देशन गरेका थिए । चलचित्रमा श्री पराजुली सह–निर्माता र कमल गिरी कार्यकारी निर्माताको रुपमा रहनेछन् ।

सुवास इन्टरटेन्मेन्टको तर्फबाट निर्माता सुवास गिरी र नायक अनमोल केसीले संझौता पत्रमा हस्ताक्षर गरेका छन् । संझौतासँगै अनमोलले काम गर्ने पाँचौ चलचित्र पक्का भएको छ । लगातार ४ वटा चलचित्र चलेपछि अनमोलको स्टारडम अहिले आकासिएको छ ।

यो चलचित्रका लागि आफूले ६ महिनाको समय मागेको अनमोलले बताए । उनले भने–‘६ महिना पूर्ण रुपमा अन्डर ग्राउन्डेड बनेर तयारी गर्नेछु ।’ अनमोलले आफूलाई निर्माताले अफर गरेर यति पारिश्रमिक लिएको भन्दै आफू लक्की भएको बताए । उनले मिडियासँग भने–‘म आफ्नो भविष्यलाई कसरी डिमाण्डेड बनाउ“ भनेर पनि सोच्छु । साथमा निर्माता पनि सन्तुष्ट हुनुपर्छ भन्ने मान्यता राख्छु ।’

अनमोलले चलचित्रमा संझौता गरेपछि अब होम प्रोडक्शनको निर्माणमा बनेको चलचित्र ‘ड्रिम्स’ शोका लागि अमेरिका पनि नजाने बताएका छन् । उनले राम्रो कथावस्तु छ भने आफूले यो भन्दा कम रकममा पनि काम गर्ने खुलाए । आफूले पैसा भन्दा पनि कथावस्तु हेर्ने गरेको अनमोलको भनाई थियो । उनले चलचित्र ‘कृ’को क्यारेक्टरलाई पर्दामा प्रमाणित गरेर देखाउने पनि बताए ।

यता, निर्माता सुवास गिरीले अनमोलको पारिश्रमिक भन्दा पनि उसको पात्रलाई हेरेर महंगो रकम दिएको बताए । यसमा अनमोलको स्टारडमले पनि काम गरेको उनको भनाई थियो । सुवासले यो प्रोजेक्ट अरु भन्दा फरक हुने बताए । चलचित्रको प्रस्तुतीलाई विशेष बनाउन लागिपर्ने भन्दै उनले यसको बजेट पनि सामान्य चलचित्रको भन्दा धेरै हुने बताए । नायक तथा निर्माता भूवन केसीले सुवास गिरी एक चलेको र राम्रो मेकर भएकाले पनि चलचित्रमा टिमअप गरेको बताए ।

‘कृ’को अर्थ बदला लिनु हो । निर्देशक पौडेलले भने–‘कृ’ एउटा संकृत शब्द हो । संकृत भाषाको पनि जगेर्ना गर्नुपर्छ भन्ने हाम्रो मान्यता हो । यो चलचित्रमा अनमोलले अहिलेसम्म नगरेको भूमिका हुनेछ ।’

फागूनबाट छायांकन हुने चलचित्रले नेपाली चलचित्र क्षेत्रमा एउटा उचाई बनाउने निर्माताद्धय सुवास गिरी र भूवन केसीको विश्वास छ । राम्रो चलचित्र बनाउनका लागि दुई ब्यानरविच टिमअप गरेको सुवास र भूवनले बताए ।

यसअघि ‘नोभेम्बर रेन र क्लासिक’ बनाएका सुवास र ‘ड्रिम्स’ जस्तो सफल चलचित्र बनाएको द सुपर काजोल फिल्मस्को टिमअपले चलचित्रप्रति दर्शकको उत्सुकता सुरुबाटै बढ्ने देखिएको छ ।

मुम्बई । सलमान खान अहिले गायक अरिजित सिंहको कारण चर्चामा छन् । केहि दिन अघि मात्रै अरिजितले आफ्नो गीत ‘सुल्तान’ वाट हटाएको जानकारी गराएका थिए ।अरिजित एक्ला कलाकार होईनन्, जसलाई सलमानसंग काम गर्न मन लागेन । बलिउडमा धेरै कलाकार छन्, जो सलमानसंग काम गर्न चाहँदैनन् । हेरौं उनीहरु को को रहेछन्ःऐश्वर्या राय बच्चनः सलमानसंग काम गर्न नमान्नेमा पहिलो स्थानमा आउँछिन् ऐश्वर्या राय बच्चन । कुनै वेला ऐश्वर्या सलमान खानको प्रेमिका भनेर चर्चामा थिइन् ।चलचित्र ‘हम दिल दे चुके सनम’ मा काम गर्दा उनीहरुको अफेयर सुरु भएको थियो । करिब दुई वर्ष यो जोडी अफस्क्रिन र अनस्त्रिन रोमान्सका कारण चर्चामा रहे । तर, अहिले उनीहरुको बोलचाल समेत छैन । उनीहरुलाई एउटै फिल्ममा काम गराउने सामथ्र्य कुनै पनि निर्देशकले राख्दैनन् ।विवेक ओबरायः सलमानसँग सम्बन्ध बिच्छेद भएपछि केहि समय ऐश्वर्या विवेक ओबरायसंग नजिकिइन् । यही कारण बिबेकलाई सलमानले धम्कि समेत दिए । सलमानको धम्किपछि विवेक सलामानसँग बोल्न समेत चाहदैनन् ।शाहिद कपुरः रकस्टार कन्सर्टका लागि वल्डटुरको क्रममा सलमान खान शाहिद कपुरसँग रिसाए सलमानरिसाउनुकोकारणशाहिदलेसलमानसँग

डान्सका केहि स्टेप सिक्न समेत चाहेका थिए । त्यसपछि शाहिदले सलमानसँग कुनै पनि फिल्ममा काम गरेका छैनन् ।रणबीर कपुरः सलमान र रणबीर कपुरको सम्बन्ध बिग्रनुमा कट्रिना कैफको हात छ भन्नेहरु धेरै छन् । सलमानसंग सम्बन्ध टुटे लगत्तै कटि्रना रणबीरसंग रिलेशनमा थिईन् । सनमान रिसाउनुको कारण त्यहि नै थियो ।आमिर खानः आमिर खान र सलमान खानले एक अर्कालाई राम्रो साथी भएको बताउँदै आएका छन् । तर, यी कलाकार कहिल्यै एउटै फ्रेममा काम गर्दैनन् । उनीहरुमा प्रतिष्ठाको समस्या छ ।

Home