एमबिबिएस परीक्षामा पास गराईदिने भनी रकम लिने कन्सल्टेन्सी संचालक सहित पक्राउ:
एमविविएस परीक्षामा पास गराईदिने भनी रकम लिने वल्र्ड वाईड कन्सल्टेन्सी पुतलीसडकका संचालक महोत्तरी गोनरपुरा–६ घर भई काठमाडौँ महानगरपालिका–१२ टेकु बस्ने २६ बर्षीय दिपक कुमार साह र सोही कन्सल्टेन्सीमा काउन्सीलिङ काम गरी बस्ने सिन्धुली आम्बोटे–९ घर भएका २५ बर्षीय गणेश अधिकारीलाई प्रहरीले पक्राउ गरेको छ ।
अधिकारीले काठमाडौँ नागार्जुन नगरपालिका–२ बस्ने सायसा पन्तलाई आफु पुतलीसडक स्थित वल्र्ड वाईड कन्सल्टेन्सीमा काम गर्ने र विभिन्न डाक्टरहरुसँग राम्रो चिनजान रहेकोले असोज १५ गतेदेखि काठमाडौँ विश्व विद्यालयबाट हुने एमविविएस परीक्षामा पास गरीदिन्छु तर पैसा लाग्छ भनी विश्वास दिलाई पन्तको आमा विमला पन्तसंग २ लाख लिने सहमती गरेका थिए ।
तत्पश्चात अन्य व्यक्तिहरुलाई बुझ्दा त्यसरी पास गराउन नसक्ने एकिन भएपछि महानगरीय अपराध महाशाखामा निवेदन दिएका थिए । अधिकारीले रकम बागेर्निङ गरी २ लाखको चेक लिए पश्चात अब काम हुन्छ, ढुक्क हुनुहोस भन्ने जस्ता आश्वसन दिदै गरेको अवस्थामा असोज १२ गते महाशाखाबाट खटिएको प्रहरी टोलीले पक्राउ गरेको थियो ।
निज गणेश अधिकारीले उक्त काम संचालक दिपक कुमार साह मार्फत हुने बताएपछि प्रहरीले असोज १३ गते टेकुबाट साहलाई समेत पक्राउ गरेको हो । दुवै जनालाई ठगी मुद्दामा आवश्यक कारवाहीको लागि असोज १४ गते महानगरीय प्रहरी परिसर काठमाडौँमा पठाइएको छ । साथै निज दिपक कुमार साहले आफुलाई डाक्टर बताई ठगी गर्ने गरेको देखिएकोमा निज बास्तविक डाक्टर नभएको समेत खुल्न आएको छ ।by nepal police
0 comments
Write Down Your Responses